ඒකොන්(Akon) හන්දා අපි කොන් වෙයිද?
එක්තරා ඉංග්රීසි FM එකක් ප්රචාරය කරන පරිදි ලබන අප්රේල් 24 වෙනිදා ලංකාවට Akon එනවලු.
මේක අහලා අපේ සමහර පොරවල් වලට මාර චුන් ය. උන් එලකිරි එකේ, Facebook එකේ දාන comments වලට අනුව උන්ට එදා වෙනකම් නින්ද යන්නේ නැතිලු. සමහරු දැම්ම ඉදන්ම නොකා නොබී ගන්න සල්ලි එකතු කරනවලු. හැබැයි Akon ගේ නිල වෙබ් අඩවියේ නම් තවම එහෙම concert එකක් ගැන සදහනක් නෑ. මේකත් තවත් මගඩි නාටකයක් විතරද දන්නෙත් නෑ.
ඒත් පහු ගිය කාලේ ෂැගී, Venga Boys, ෂාරුක් ඛාන් concert යි, මෑතකම තිබ්බ Hikka Fest එකෙනුයි පස්සේ අපේ සමහරු කෑගහපු, පෙළපාලි ගිය, උද්ඝෝෂණ කරපු විදියට, මේ වගේ බාබාලන්තේකට Akon වගේ එකෙක් ව දිරව ගන්න පුළුවන් වේවිද කියන එකන නම් ලොකු ප්රශ්නයක්.
තාමත් Akon කියන්නේ කවුද, මිනිහ represent කරන්නේ මොන වගේ sub-culture එකක් ද, කියලා දන්නේ නැත්තම් හරි මතක නැත්තම් හරි කට්ටිය 2007 ට්රිනිඩැඩ් වල වෙච්ච මේ සිද්ධිය බලන්න (NSFW - ඒත් මෙතන මේක නොදා මේ කතාව තේරුම් කරන්න අමාරුයි.)
තිස්පන්දාහක් සහභාගී වෙච්ච reality show එකක 5වෙනියා වෙච්ච එකාටත් පිස්සු වැටිලා Autograph තියන්න තමන්ගේ ළැම දීපු කෙල්ලෝ ඉන්න රටක, Billboard Charts වල No.1 ඉන්න එකා ඉස්සරහ Once In a Lifetime opportunity එකක් සඳහා මේ වගේ දේකට වුනත් අපේ මොකෙක් හරි පිස්සියෙක් ඉදිරිපත් වුනොත් පුදුමයක් නෙවේ..අනික Ecstasy ගහලා ඔය වගේ concert බහින ගොඩක් උන්ට ඔය වෙලාවට තමන් ඉන්නේ කොහෙද මොනවද කරන්නේ කියලා සිහියක් නෑනේ.
කොහොම වුනත් Konvicted කියලා ලේබල් ගහන්ම එන Akon වගේ උන්ට නම් තමන්ව market කරගැනීමට controversy එකක් වෙනවා නම් ලොකු ආශිර්වාදයක්. ඒ විතරක් නෙමේ ජන්දෙන් පස්සේ හන්දා වේලි වේලි ඉන්න අපේ media පොරවල් වලට, දේශප්රේමීන්ට, සංස්කෘතික ඇමතිට, විපක්ෂයට Akon හොද ඉල්ලමක් වේවි. ඒත් අන්තිමට ඒ හැමෝම කට ගැස්මට අරන් නන්ත්තාර කරලා දාන්නේ අපේ පරම්පරාවයි.
රකින්න කියා මහ ලොකු සංස්කෘතියක් ඉතුරු වෙලා නැති, ඕනම දහ ජාරාවක් විකුණන්න පුළුවන් නිදහස් ආර්ථිකයක් තියෙන, ප්රජාතන්ත්රවාදී රටක මේ වගේ ගොඩක් දේවල් වෙනස් කරන්න අමාරුයි. ඒත් මොනා හරි දෙයක් වුනායින් පස්සේ බොරුවට කෑගහලා ලොකෙටම joke එකක් වෙනවට වඩා ඒ දේවල් වෙන්න කලින් ඒ ගැන අවබෝධයෙන් ඉන්න එක තමා වඩා හොද..
