Mar
16
මිස්, අපිත් මිනිස්සු…
මේ තෙරපෙන තෙරපිල්ලට ,
මලේ පෙති ටික පොඩි වෙනවා නේද?
මේ තැම්බෙන තැම්බිල්ලට,
මලේ පාට දියවෙනව නේද?
ඒත් මොනා කරන්නද මිස්..
අපිත් දුවන්න ඕනා turn එකටනේ..
ඔය කන් දෙකේ earphones හිරකර ගන්නේ,
මගේ කරච්චලේ ඉවසන්න බැරි හන්දද?
මමත් කැමති නෑ
රුපියලට දෙකට හෙට්ටු කරන්න..
ඒත් මිස්ලට වගේ bonus නෑනේ අපිට..
ඔහොම රවන්න එපා මිස්,
ඔය කෝමල දඟකාර බැල්මට
අපේ හිතුත් හොරෙන්ම ඇදෙනවා..
බලාගෙන ඒත්…
ඔය ටයිකෝට් දාන නරුමයෝ
අපි වගේ මනුස්සකම අඳුරන්නේ නෑ..
